Kamis, 16 Desember 2010

longser pamungkas

ADEGAN I

Juragan:

Lah… na ieu teh kudu kumaha atuh, bet asa jadi serba salah. Usaha mah usaha kurang kumaha… tapi angger be hasilna mah nihil, malahan dirasa – rasa bet asa kalahka loba hutang. Teu karasa salila 3 bulan geus opat perusahaan bangkrut, malahan di jual jeung pabrik pabrikna, tiheula pabrik roti Langka Jaya, kadua pabrik sapatu Pt Diadobol, Kamari….. pabrik dodol PT Laer Indah. Duh na kumaha ieu teh…?? Jaba engke rek aya nunagih… ( nayaga : Saha…? ) Tukang kiridit. Leuheung mun tara bari poporongos mah… da ieu mah salianti poporongos teh wani bari jajabel sagala. Jeung anehna ari nu di anjuk VCD ari ngajabel bet ngdon TV-na, nganjuk katel ngjabel komporna, aya ku teu nyararambung….. komo kamari mah nganjuk calana jero eh… ngadon rek ngajabel eusina….ah geus…abong keur sagala sial. Boga badega teu beunang di andelkeun, siga pinter tapi Oon… kamana geura. Wito….!. Wito….!. Wito……!!!!

Wito ( ti luar ):

Soto….!. Soto…! Hey…. Mang Soto…!

Juragan:

Deuleu etah…!

Wito ( bari ngurunyung )

Bade ngadamel sabaraha mangkok juragan. Wios nu abdi mah ulah teuing di bihunan….

Juragan:

Aeh ari maneh….saha anu pasen soto….kuring mah ngageroan silaing Wito…!. Wito…!

Wito…!

Wito :

Oh…manawi teh bade pesen soto…boro mah abdi tos nyandak mangkok.

Juragan ;

Ah…. Dasar maneh mah pikirana teh kana dahareun bae…

Wito :

Ma lum Juragan…rada lapar ti enjing teu acan neda,

Juragan :

Ke…ke…ke…baruk silaing can dahar… pan tadi isuk teh lain geus dahar…???

Wito :

Ah teu acan Juragan… eta mah sanes, mung ngalemetan remeh wungkul dua piring…..

Juragan:

Tuh nya…. Dasar silaing mah… tadi isuk mumuluk ayeuna geus lapar deui, arek bubur…?

Wito:

Ah… wios juragan, isin… ari kitu bubur naon?

Juragan :

Teuing bubur naon… ngan hejo !

Wito:

Oh… ari nu hejo mah biasana bubur kacang, da pami nu bodas mah bubur hayam,

Juaragan;

Tah….heueuh sigana mah bubur kacang hejo meureun.

Wito:

Ari kitu teu di tuang ku juragan ?

Juragan;

Ah…teu beuki nu kitu kuring mah. Kop ari maneh beuki mah dahar kabeh, ngan sigana kurang cai eta teh, da katempo rada aduy,ledok teuing sigana mah.

Wito:

Ah…wios juragan da ari ledok teuing mah sanes masalah, cenah eta kirang cai pan tiasa di tinyuh ku cai termos, nu penting mah teu acan haseum.

Juragan

Sigana mah jauh kana haseum mah, malahan tadi mah ngebul keneh…..

Wito

Ah….komo kitu, di mana kitu nyimpena ? wios ku abdi urang di opi…

Juragan

Tuh di hareup sisi pager, katempo meureun ku silaing ge nampuyak nambru ngebul keneh…

Wito

Sisi pager..?? ah juragan mah sok aya aya bae, atuh eta mah sanes bubur kacang… eta mah teun… Munding, paingan juragan teu sedep..

Juragan

Ah… tuda bongan maneh mah mikirna teh dahareun we…jeung dahareun.

Ke…ke… silaing mah sok pohoan ari si Jeki kuda nu jangkung geus diparaban ?

Wito

Atos Juragan….

Juragan

Ari motor nu bulu hiris geus di bensinan ?

Wito

Atuh sanes bulu hiris ari kana motor mah juragan, abu-abu panginten, atos…. Tadi, bari sakantrenan meser parab kanggo si Jeki, nya nyimpang heula ka pom bengsin. Ieu konci motor sareng konci mobilna.

Juragan (bari nampanan)

Hm… geus di konci leher ?

Wito

Atos juragan…

Juragan

Ari kudana?

Wito

Duh pami eta mah…hilap teu acan di konci leher

Juragan

Ehm….na….maenya kuda di konci leher. Maksud teh di tundana di mana.?

Wito

Koncina juaragan ? pan saur juragan kuda mah teu di konci leher…

Juragan

Deuleu….itu. di tundana di mana…..???!!!

Wito

Oh ! di pengker juragan !

Juragan

Tah kitu…. Lieur ieu mah boga badega teh, oon kabina bina

Wito

Punten we,…. Juragan

Juragan

Jeung…. Model maneh mah, nyaho motor teu pati ngeunaheun, da meni embung ngahadekeun, pan karasa meureun, busi gantieun, jeung euweuh LANGSAM-an.

Wito

Eta ge, karaos juragan da unggal di lampu merah motor the janten sok gampang paeh.

Juragan

Heueuh….na kunaon atuh embung ngahadean ?? matak naon ka bengkel, meuli busi, bari panga-LAMGSAM-ankeun kitu !

Wito

Tah… pami busi mah, atos abdi the meser. Namung pami LANGSAM mah abdi the bingung naha kedah meser ka mana, cing manawi juragan biasana sok meser di mana, wios ke abdi meserna bade rada seueur, sakalian kanggo cadangan.

Juragan

Ehm…. Coba …. Maenya atuh wito langsam kudu meuli mah….na bodo the beak ku karep, geus kumaha maneh we….lieur aing maah……!

Wito

Muhun sami abdi ge nuju lalieur….teu acan di obat.

Juragan (HP-na di sada)

Saha tuh wayah kieu nelephon, Halo…Halo….Halo….Ning euweuhan wito….Halo…

Wito

Oh…lepat tuda Juragan, nu di cepengna sanes handphone eta mah cangkang wedak nu si eneng.

Juragan

Aeh…heueuh paingan teu disada. Na atuh lain ngabejaan. Lah ! boa nu nagih wito…ah bisi nu nagih, yeuh… ilaing heula we nu ngangkatna. Ke lamun nu nagih bejakeun Juraganna nuju ka luar kota kitu, mun lain mah bejakeun aya….

Wito (bari nampanan HP)

Oh muhun atuh mangga… halo…! Bisa bicara dengan salah sambung….?

Juragan

Lah…sing bener atuh wito!

Wito (dina gaya boss besar tur rada centil, sakapeung make seuri sagala)

Oh…sumuhun. Sae…. Leres pisan…. Abdi ? ih…tangtos we atuh… muhun abdi ge sami…

Cinta…? Oh….My goood… I Love You. Hah ! yap milu…Plisss You and me Paelap-elap plis OK ?!

Juragan

Lah ! nanaonan atuh wito, sing bener tanyakeun saha eta teh, nu nagih lain, lalaki atawa awewe???

Wito

Oh…Ke antos sakedap atuh juragan. Eu….eu….

Juragan (rada kesel ngarebeut HP-na)

Lah….! Kadieukeun. Halo…. Halo… ning euweuh nu ngobrol wito? Ari bieu ngbrol jeung saha atuh…?

Wito

Puguh abdi ge bingung…naha jempling bae teu aya nu ngobrol.

Juragan

Ehm na…ari maneh… bet ngadon nglilieur karep. Boro mah dewek geus reuwas.

Wito

Punten we atuh juragan

Juragan

Lah geus, anggur mah bantuan kuring mikir…

Wito

Ngemut naon Juragan?

Juragan

Yeuh dengekeun, ayeuna juragan manehna teh keur di rundung duka.

Wito

Euleuh….baruk juragan nuju di rundung duka. Tenang juragan, s’lama masih Wito di samping juragan semua masalah akan terselesaikan.

Juragan

Ari maneh…pan Kuring teh make calana. Teu sing make samping.

Wito

Euh….ning Juragan oon, maksad teh di sisi sanes di samping sinjang, karena kita sudah lama hidup bersama, melewati rentang waktu yang tak terhitung. Baik suka atau pun duka, di saat suka…sukamu adalah sukaku, begitu pun dukamu adalah dukaku…..

Juragan

Maksud maneh naon wito?

Wito

Nyaeta.. duka tihayam duka ti kotok…

Juragan

Euh….dasar maneh mah, nyaho dunungan keur pusing derrrr….ngadon puisi nu kitu patut geus cicing….cicing….cicing. dengekeunn kuring rek nyarita yeuh, bari bantuan mikiranana

Kapikir ku silaing wito…usaha nu kuring di wangun salila mangpuluh-puluh taun ayeuna the sakeudeung deui ge bakal bangkrut. Malahan hutang geus teu bisa kaitung jumlahna. Rambay di mana-mana. Asa na teh moal kuat lamun kudu bangkrut kabeh teh, pausahaan nu nyesa tinggal pabrik bata wungkul, katempo ku maneh wito…?

RESPON WITO MUTERKEUN TANGKEUPAN HARIGUNA TERUS UNGGEUK ( make musik 2 sesi)

Juragan

Sigana keur batur mah nempo kieu atoh, pangpangna keur pesaing bisnis kuring Wito… meureun maneh prihatin lain ?

WITO NGARESPON SARUA

Juragan

Kabayang pieraeunana, meureun ceuk batur the; juragan Dasta Mangga Didaharjana anu baheula beunghar the ayeuna mah sangsara deui, nu ngaleuyah geus lain harta deui tapi hutang nu ngampar di mana-mana.kabayang meuerun ku maneh Wito…?

WITO NGARESPON SARUA.

Juragan

Euh….dasar maneh mah…ari di ajak serius the hese…ngan ukur unggeuk-ungeuk we wungkul, cing atuh bere bongbolongan yeuh…

Wito

Ari juragan, pan tadi cenah abdi teh kudu cicicng ngupingkeun, ayeuna di salahkeun, janten kedah kumaha tuh abdi teh…?

Juragan

Heueuh bantuan mikir.! Cing kudu kumah carana sangkan sakabeh pausahaan nu kajual kamari bisa kapimilik deui. Atawa paling henteu kuring mah hayang bisa mayaran hutang, mun usaha usaha naon, mun kudu gawe gawe naon, cing sugan aya lowongan pagawean keur dewek ayeuna naon kirakirana

Wito

Lowongan padamelan ? oh.. asa aya juragan, tapi kitu ge pami teu acan ku batur,

Juragan

Tah…tah… di mana To, naon gawena, jeung kumaha bayaranana, naha kira-kiarana mahi keur mayaran hutang.

Wito

Duka…mung ari bayarana mah saurna the dugi ka 3 yuta sabulan.

Juragan

Ah… nu bener wito, heug naon pagaweanana ?

Wito

Saurna mah icalan es

Juragan

Jualan es…? Es kumaha

Wito

Geuning anu sok na sapedah, biasa belna teh tara ku keleneng tapi ku musik talitut….talitut…..atawa tong meuli…. tong meuli….. model es CANPINDAH

Juragan

CAMPINA meureun ! ke dagang es nu kitu panghasilanana 3 yuta sabulan ? asa can kaharti….

Wito

Muhun…. Pan biasana mah ngaggo bel kitu, tah ari nu ieu mah henteu juragan

Juragan

Kunaon atuh, ku keleneng ?

Wito

Sanes, tapi ku heot nurutan lagu bel eta, janten juragan icalan es teh kedah bari heheotan sapanjang jalan. Kitu saurna teh….

Juragan

Beu…. Katipu dewek. Ari maneh kawas nu lieur, naha rek tega silaing nempo dunungan dagang es bari heheotan sapanjang jalan…..ehm Wito…. Nuhun euy…hade tah ide teh.

Wito

Muhun ketang nya, kabayang pami icalana ti sindangkasih ka neglakeun. Juragan kedah ngaheot bari ngaboseh, sigana ngaheotna ge jadi ti luhur ti handap.

Juragan

Ah…. Dasar maneh mah oon. Nya leuheung we mun kana motor mah, kitu g angger we meurueun moal da gandenge ku mesin.

Wito

Ah ! teu juragan, dari mesin motor mah teu patos gandeng, malahan gandeng keneh sapedah

Juragan

Na…ari maneh, gandeng kumaha pan sapedah mah euweuh mesinan.? Asa lieur nyarita jeung maneh mah

Wito

Eh… henteu juragan, sok sanaos teu aya mesinan ari gandengna mah tetep gandeng keneh sapedah, sok we kuping keun pami dina tanjakan.

Juragan

Lah….. geus! Ngomong jeung silaing mah moal aya tungtungna. Cing boga ide naon deui nu kira kira bakal tereh ngahasilkeun duit.

Wito (satuluyna; ngaharewos (selah ngaharewos)

Atuh kieu we juragan…

Juragan

Lah ! ari maneh, pan kuring mah teu boga elmu nu kitu patut.

Wito

Ih…tenang pan ke ku abdi di wartosan, saolah olah juragan sakti mandra guna

Juragan

Na kumaha ngabejaanana?

Wito ( ngaharewos )

Juragan

Tah ieu mah asa kaharti, jadi ayeuna kudu ganti stelan nya..?

Wito

Muhun !

Juragan

Hade mun kitu mah, jadi pasienna ilaing nu neangan nya

Wito

Muhun ! oge sakalian jadi team promosi.

Juragan

Jadilah wito, tah ieu kakara anak buah dewek !

Wito

Tah ayeuna urang gentos acuk jeung penampilan, supados teu ka tohyan ku batur anu kenaleun ka urang

JURAGAN DASTA JEUNG WITO DARANGDAN MAKE PAPAKEAN DUKUN. ( selah make sarung)

Juragan

Tah geus siga acan?

Wito

Atos juragan, mung kantun galakna wungkul geura cobian…

Sanggeusna darangdan tur ngarasa geus beres sagala rupana,maranehna geuwat indit ka hiji saung anu pernahana aya di sisi lembur, bari sapapanjang jalan maranehna anteng ngarobrol siga bangun ngatur strategi bari kituna the sakapeung di barung ku seuri cacalakatakan bangun nu sugema.

ADEGAN II

WIRA CARITA

Caturkeun di hiji perjalanan, Nyi Warni hiji wanoja lembur Cibangkonol anak bandar jengkol nu tiwas katinggang kohkol, leumpang antare di tuturkeun si Ceceng alona anu harita keur katarajang panyakit kurang ingetan , ajog ka parapatan jalan Cijangkur Nyi Warni paamprok jeung Pa Sudar pajabat desa Cijangkur.

Pa Sudar

Aeh, rek ka mana nyai, siga nu boga kaperluan ?

Nyi Warni

Eh Pa Sudar…. Muhun puguh, ieu bade neraskeun lalandong ka Cikencreng.

Pa Sudar

Cikencreng ? Naha rek ngubaran saha kitu ?

Nyi Warni

Ieu Pan pun alo. Masih keneh teu acan aya parobihan.

Pa Sudar

Oh…..enya geuning, na kumaha eta teh mimitina pangna jadi kitu ?

Nyi Warni

Ah tadina mah teu pira tina ngaemaman cangkaleng, teras jengkoleun !

Pa Sudar

Ah ! maenya tina murak cangkaleng bet jadi jengkoleun ?!

Nyi Warni

Puguh ge, sigana mah nuju tiis,

Pa Sudar

Ke, asa tacan kaharti panyakit the, nu benerna kumaha? Jeung ari harita kungsi ka dokter ?

Nyi Warni

Tah….atos malihan mah nu matak janten panyakitna teh langsung ka pendak.

Pa Sudar

Terus kumaha ceuk dokter ?

Nyi Warni

Jadi anu di tuang ku pun alo teh tah sanes cangkaleng tapi batu ali nu pun aki.

Pa Sudar

Naha batu alina sagede kumaha kitu ?

Nyi Warni

Lumayan rada ageung, kinten-kinten sagede indung budak !

Pa Sudar

Indung suku meureun ?!

Nyi Warni

Tah ! eta maksad teh, malahan mah dokter ge sempat reuwas.

Pa Sudar

Rewas na?!

Nyi Warni

Muhun, pan di parios, da sajabi jengkoleun teh oge ngadak-ngadak janten teu tiasa miceun.nya dokter teh langsung marios kana bujurna, brang breh..! dokter kaget bari mundur. Bari pokna “wah ternyata anak ini memiliki 3 mata ya..?! 2 di atas yang satu lagi ada di bujur.

Pa Sudar

Ck…ck…ck…!

Nyi Warni

Abdi ge ningali,tur kaget. Ngan barang disidik-sidik sihoreng sanes panon, tapi batu ali nu aki mangpet dina bujur.

Pa Sudar

Coba nepi kakitu…..terus sanggeus batu alina meureun langsung cageur ?

Nyi Warni

Ah…puguh nyaeta bet sanes damang, beuki dieu beuki aneh panyakitna teh, tuh kitu we geuning…

Pa Sudar ( bari melong si Ceceng nu keur anteng gogorentelan sorangan )

Karunya teuing….hei Ceng ieu saha cing…..?

Ceceng

Mana ? Domba….!

Nyi Warni

Is…teu kenging kitu ! awon ta teh ! punten we Bapa, da geuning kitu sakapeung mah sok rada galak eta teh, komo pami aya kahoyong…. Eta teh kedah di turutkeun….be…

Pami teu kitu sok kalahka langkung buringas galak. Pami ngajerit sok satarikna….

Pa Sudar

Oh kitu ? ck…ck…ck…!

Nyi Warni

Kamari we, sabot langah terang terang tos nyepeng bedog, atuh 18 urang kana mobil mang aceh ka rumahsakit.

Pa Sudar

Uluh….! Di kadekan ??!!

Nyi Warni

Sanes eta mah bade ngalongok nu udur we di rumah sakit.

Pa Sudar

Aduh! Bedul teh katipu ! terus ari nu mawa bedog ?

Nyi Warni

Eta mah mang idin rek nuar cau.

Ke nyi ngobrol teh asa teu nyambung nya ? boa Nyai ge sarua katarajang panyakit nu sarua ?

Nyi Warni

Ah teu , aya mung saalit…

Pa Sudar

Tapi geus nyobaan ku cai lahang.

Nyi Warni

Teu acan , di kumahakeun kitu ?

Pa Sudar

Di kompreskeun !

Nyi Warni

Tah cing sugan kumaha, da ari terang mah sigana bakal di cobian.

Pa Sudar

Jadi kieu, pesen lahang kanu sok nyadap, ulah kanu sok nembok, tah…terus eta lahang the unun meunang tilu poe mah. Cukaan we saeutik.salila 3 poe ualah poho kurilingkeun ka tilu imah unggal magrib.

Nyi Warni

Muhun teras kumaha ?

Pa Sudar

Tah sanggeusna kitu, kira-kira sapanyiukeun di mandikeun kana awakna, kakara sesana di kompreskeun.

Nyi Warni

Iraha waktosna eta the

Pa Sudar

Peuting

Nyi Warni

Nu tos-atos kumaha tah ngeunaan hasilna?

Pa Sudar

Nya nu enggeus eunggeus mah…. Di tempo Isuk-isuk teu burung…..di gulung sireum.

Nyi Warni

Eh….baruk bapa the geuning ngabodor…!

Pa Sudar

Eh….bener ieu mah jang Nyai… nu kieu mah ulah di antepkeun.

Nyi Warni

Ulah diantepkeun kumaha maksadna ?

Pa Sudar

Ulah di antepkeun……Hirup.

Nyi Warni

Ah…na ari bapa !

Pa Sudar

Eh ! maksud the anteur we sakahayangna, sugan ku cara kitu budak the bisa cageur. Soalna nu kieu mah paktor tina gangguan jiwa.

Nyi Warni

Oh kitu…?

Pa Sudar

Enya, jadi ieu mah paktor tina gangguan psikologi atawa samacam takanan batin.

Nyi Warni

Janten abdi kedah kumaha atuh saena?

Pa Sudar

Nya gampang, saheulaanan mah turutkeun be kahayangna. Atawa bere hal anu matak manehna bungah. Ulah di gagalakanan.

Nyi Warni

Saperos kumaha manawi ?

Pa Sudar

Model kieu yeuh.Hey ! Ceng…..! yeuh tingali Bapa gaduh naon.??? Tuh pan bungaheun, da ari kana duit mah ingeteun keneh.

Nyi Warni

Oh muhun nya.

Pa Sudar

Yeuh deui geura nya, hey…tingali yeuh naon nu di cepeng ? tuh….pan atoheun, nyata pan yen manehna the kurang hiburan,

Nyi Warni

Ih geuning bapa tiasaan, enya nya jadi memang kedah sabar nya pa.

Pa Sudar

Eh pasti, da nukieu mah memang merlukeun extra kasobaran. Ngan omat ulah di tolak naon nu jadi kahayangna. Ke batina bakal ngarasa di teungteuinganan. Kadituna ngamuk we.

Nyi Warni

Ih leres pisan nya, meni bangun nu bungah kitu…. Yeuh hey ceng hoyong naon Hm ? ceceng hoyong naon, sok nyarios ! ayeuna mah hoyong naon oge ku Bibi bakal di laksanakeun, asal ceceng damang, nya uhun ??

Ceceng

Aim…aim….ceceng hoyong si bapa eta push up !

Nyi Warni

Push up…?! Bapa kumaha geuning ceceng hoyong ningali bapa push up

Pa Sudar

Ih…teu nanaon Nyai, saheulaanan mah asal bungaheun we.!

Nyi Warni

Nya atuh pang mus apkeun ceceng pa…

Pa Sudar (bari metakeun pus up-na)

Yeuh tuh tingali… tuh kapanan sakitu bungaheunana

Nyi Warni

Euleuh nuhun bapa, bet janten ngarepotkeun bapa.

Ceceng

Ah…..deui…deui….deui….!

Nyi Warni

Isss atos pan tadi, maenya pus up bae. Nu sanes …

Ceceng

Momonyetan atuh….

Nyi Warni

Kumaha atuh pa…. abdi janten isin.

Pa Sudar

Alah….. kadar momonyetan, keun bae atuh…. Peupeuriheun ngabantu ku materi henteu. Atuh nu kieu kieu bae mah manya rek dikoretkeun.

Nyi Warni

Euleuh geuning teu sangki bapa teh jalmi soleh….

Pa Sudar ( kituna teh rarampayakan nurutan peta monyet)

Yeuh tingali tuh momonyetan…

Nyi Warni

Tos , nya tuh bapana ge capeeun.

Pa Sudar

Ih, teu cape teu sing, keun be da tara unggal dinten ieuh.

Ceceng

Aim…”aim….hoyong kumaha ceceng !

Nyi Warni

Iss…is tuh bapa ari di hulag teh sok janten kitu.

Pa Sudar

Keun bae tuh….sok sakali deui mah, hoyong naon atuh ceceng teh, hoyong permen deui?

Ceceng

Aim…aim….. ceceng mah hoyong peperangan,

Pa Sudar

Peperangan? Sok lah….

Nyi Warni

Lah kumaha tuh pa, ieu teh bet hese di hulagna. Muhun tuh sakali deui mah,saurna hoyong peperangan.

Pa Sudar

Yeuh….bapa ayeuna jadi tentara perang di darat…!

Ceceng

Lah ! alim…. Hoyong kumaha ceceng.

Pa Sudar

Oh… sok atuh kumaha ceceng, dimana perangna ?

Ceceng

Ayeuna mah perangna ge di laut….cenah !

Saterusna Pa Sudar nurut kana sagala parentah Ceceng, sajeroning Pa Sudar Metakeun Pamentana Manehna seuri ceuceuleukeuteukan. Anu akhirna pa sudar indit ninggalkeun tempat bari ngalenghoh kacapean.

Pa Sudar

Lah sok we Nyai sing sabar, budak nu kieu mah tong di lilla-lila……enya….. maksud teh ulah rek di lila-lila hirup.

ADEGAN III

WIRA CARITA

Sabot Nyi Warni di tinggalkeun ku Pa Sudar, nyi Warni jadi sibuk ngolo si Ceceng sangkan mopohokeun kahayangna, keur kitu rentang-rentang ku Nyi Warni saliwat katenjo rentang-rentang aya lalaki nu muru ngadeukeutan ka manehna. Mun nilik kana tangtunganana keur Nyi Warni mah asa sok mindeng panggih.ngan di tilik kana rupana mah jelas teu wawuh.

Lalaki

Aeh… nuju naon atuh Nyai, bet ngadon otel di sisi jalan

Nyi Warni

Eh…muhun puguh ge ieu pun alo bet kalahka janten ogo.

Lalaki

Naha bade teras kamana kitu ?

Nyi Warni

Puguh ieu the bade teras ka Rancaseeng, bade lalandong

Lalaki

Naha saha kitu nu sok nglandongan di rancaseeng ?

Nyi Warni

Oh ieu…aki Samhari. Da kaleresan di Rancaseeng mah nu sok ngalandongan the aya duaan, Aki Samhari sareng Aki Pahad, mung Abdi mah ayeuna sok ka Ki Samhari we…, da kaKi Pahad mah teu aya perobihan naon-naon.

Lalaki

Ari ayeuna ka Ki Samhari geus karasa parobahanana?

Nyi Warni

Nyaeta ieu the tos aya kana sapuluh kalina tapi masih keneh kitu we geuning….

Lalaki

Euh…. Atuh ari panyakit nu kitu mah ulah di ubaran ka Ki Samhari nyai…

Nyi Warni

Ari tos kedah kamana atuh….

Lalaki

Euh…ari nyai teu terang pan ayeuna di Cijangkur the aya dukun anyar. Panyakit naon bae atawa masalah naon bae, didinya mah teu kudu lila tatamba. Jung geura kaditu.

Nyi Warni

Oh baruk kitu nya…??? Ari tempatna di mana

Lalaki

Iss….! gampang ari alamat mah, ngan lamun Nyai hayang bener-bener tatamba ka eta dukun nyai kudu apal heula itung-itunganana.

Nyi Warni

Maksadna itung-itunganana ?

Lalaki

Misalna ; Nyai kudu apal heula weton nyai jeung weton nu rek di tambaanana, tah engke di cocokeun jeung poe poe sejena, sabab tina saminggu the ngbogaan watek nu beda-beda. Aya nu ngabogaan watek cai, angin, seuneu, bumi, jeung sajabana, ari nyai wedal poe naon ?

Nyi Warni

Wedal Abdi…? Abdi mah pami teu lepat saur pun biang the…dinten rebo.

Lalaki

Tuh ! nya da teu nyalahan….geus pasti soaalna katingali tina halisna, tina kulit, sareng rambut.

Nyi Warni

Ke tapi da saur pun bapa mah sanes rebo, tapi cenah minggu…

Lalaki

Euh….atuh teu puguh nyai mah…

Nyi Warni

Muhun puguh ge, komo pami saur aki mah juma ah,

Lalaki

Geus atuh ! ari dina akteu kalahiran poe naon ?

Nyi Warni

Tah…. Pami na akteu kalahiran mah dinten saptu, da saur pa Kades kedah saptu.

Lalaki

Ke model nyai mah….ari sabenerna nu ngalahirkeun nyai the saha atuh…?

Bet beda-beda, indung bapa, aki atawa bapa kades ? lieur aing mah !

Nyi Warni

Muhun kumaha atuh nya…. Da abdi ge sok bingung.

Lalaki

Tapi keun we…. Ke dukun di Cijangkur bakal bisa neguh poe naon nyai lahir.

Nyi Warni

Ari ayeuna kedah kumaha tuh abdi?

Lalaki

Tah tadi weton pan geus jelas. Tinggal imah ari imah nyai nyanghareup ka mana ?

Nyi Warni

Ka kulon..!

Lalaki

Kulon…., ari dulur aya sabaraha hiji ?

Nyi Warni

Abdi mah…lancek tilu belas, rai genep.

Lalaki

Waduh ! geuning loba pisan…! Tapi keun be, ari Ibu atawa Bapa saha ngarana ?

Nyi Warni

Ibu mah jenenganana the Ibu Juha, pami Bapa mah Karya.

Lalaki

Ari nyai masih keneh lengoh ? ari karesep Bapa jeung ibu naon ?

Nyi Warni

Oh… lengoh keneh abdi mah, pami karesep bapa mah kana nguseup

Lalaki

Nguseup naon, ?

Nyi Warni

Biasana mah nguseup lauk nilem di walungan, tapi pami teu kenging nilem mah burayak ge sok di useupan.

Lalaki

Ari Ibu?

Nyi Warni

Tah Pami ibu mah karesepna the, goreng kulit !

Lalaki

Goreng kulit ? atuh hese pisan pangaresep the, kumaha mun pas keur euweuh ?

Nyi Warni

Duka atuh…., malahan gara-gara karesepna kana goreng kulit, dugi ka urusan sareng kaamanan desa.

Lalaki

Naha kumaha kitu?

Nyi Warni

Eta padah masarakat ibur, bedug masjidna kasampak tos kohok kulitna. Pnginten di turih ku pun biang, da tos teu kiat cenah…meni uruy.

Lalaki

Ehm…nepi ka labah dinya nya….

Tidak ada komentar:

Posting Komentar